HEROH POROB (हेरो: पोरोब)

                                                       

  हो हुदा रेया दोस्तुर (दुपुब दोस्तुर) हिसब ते हेरो: पोरोब अबू समाज रेया तीसरा मरंग पोरोब तना. साबिन मरंग पोरोब रे अबू अदिंग रिबू बोंगा बुरु या . नेन हेरो: पोरोब दो नेलेका बू बोंगाया - 1. हेरो: पोरोब रे अदिंग रे रुम (सियाली )सकाम रे रम्बा दालि बोंगा याबू. 2. कुंकल बाई तड नमा चाटू रे एन मुसिंग माडी बू इसिंग या . 3. आर नामा चाटू रेगे दालि बू तिकिया . 4. दालि रे सुनुम ससंग बुलुंग अर मसाला को काबू मिसेया. 5. अदिंग बितर रे बरिया रूम सकम रे 4-4 बाग़ (8) जगह रे बोंगा याबू . 6. मियेड रूम सकम रेदो 4 जगह रे 4 टी सिरजोन बोंगा बू बोंगा कोवा. - रंगा पाट - चंदन पाट - आ: बोंगा बीर बुरु बोंगा - सुकेन जतरा 7. आर मियेड रुम सकम रेदो 4जगा रे दुप्प्पुब दिसुम मरंग बोंगा अर चनाल: दिसुम मरंग बोंगा कोबू सेबा कोवा - दुपुब दिसुम मरंग बोंगा - चनाल: दिसुम मरंग बोंगा - दुपुब दिसूम हाम हो को - दुपुब दिसुम हाम हो को आर चनाल: दिसुम दूम हो को 8. आर बोंगा को नुई लगिड अपिये मुली पु:उ बाई होबना एन चनब 1st अर 2nd मुली पु:उ रे डियेंग को अनु होबना अर 3rd मुली पु:उ रे अबुंग लगिड दा: एमा कोते होबाना . पोरोब बिसय ते --- मागे पोरोब आर बा पोरोब दो लुकु कोड़ा अर लुकुमी कुड़ी लगिड. हेरो: पोरोब अर जोमनामा पोरोब दो अकोवा जाइ होन को लगिड को पोरोबेया . सुरमी ओन्डो: मादे तिकीने होन लिटे तिकीने सेंयाँ साला ची लुकु लुकुमी तिकिने जाइ होन कोवा: उडू: रिके लगिड ओन्डो:नामा बाबा बीती जं को हेरकेते चासो पाईटी एयोबे लगिड हेरो: पोरोब बू मनातिंगा .

1. लिटे अकिने अपु होमोह उदर लागिड अदोर चाँडू : पोनाइ रे ओवा:ए ते ओल्ल लेन ताइकेना. 2. लिटे बिर्जिलू लो: लड़ाई लगिद 7 पोरकर रोंग तेया: 7 टी सार किन तोड़े लि:ये . 3. अकिने अपु होमोह मिएड केरकेटा(कोरकोटा) सकम रे ओवा: किन अगु लेडा. 4. जोनोम चंडू: रे अकिने अपुतेया: होमोह ओवा: किन अगु बेटा लेडा. 5. हेरो: पोरोब अदोर (जून-जुलाई) चंडू रे होबाना. 6. नेन पोरोब रे लिटा अर देशाउली षेबा किन नामेया. 7. हतु रेन देंओवा नेया दो: बोंगाया . हेरो: पोरोब रे दुमंग ताड़ -: ||1|| " जारगी लेडम जपुड लेडम मेंन्ज मेंन्ज मेडेम मेंन्ज मेंन्ज मेडेम" ||2|| " दुल दुला तडा मेतम नुदुम लेकम ट: दुल दुलेम रिके दुल दुलेम रिके "