लुपुः कोपे कुल्गियाकिङ हो कहानी

एसु अयरेयःअ कजि बरो हड़म कुल्गियाकिङ टइकेना। होन - गणा को बकोते एस्करगेयाकिङ । एसुकिङ रेंगेःतना मेन्दो जालेकात्रेयोकिङ अपासुलतना। रेंगे: असड़ा रेय:अ कजि बबाकोदो मता एटेःयोतना । बबा मतातन कुन्डिएते पसहकिङ कोटा लेडा । अताके तेकिङ रूं चौलि केडा ओन्डो:किङ लुपु. केडा ना दो सेकायना, ओडालेनेतेलङ जोमेयाकिङ मेपेनेयना । मिडोलङ ओड़न रेदो मिडो ओवलङ होरोअन्तः । चनब मिसातेलङ जोमेयाकिङ मेपेनेयना।

बुड़ि दो ओवः रचारेयः अ पइटिको औरिए चबाए तेदो बुड़ा होगे ओड़ा अयरन्तेः ए सेनोः यना। बुड़ा हो अंजागे ओड़ाकेने तेः ए हुजुः उरालेना। बुडि एरा मिसा ओड़न्ते सेनो यना एराकोव अ ओड़ा मेनाकना-रिडेनतन-नोवनन्ते, शिंगी जकेड तिकिनेयना । नेपा बुड़ा हो दो रेंगे:इतना। नेनेगुतः ए नेल्लहुजुः केना । एन्रेओ बुड़िएरा दो कःए हुजुःबोदेतना। "नैन बुड़ि एरा निमिनोगे कःए हुजुःतना, रेंगे: ते निमिन रेंगे: तना मि आ' लेकारेओ लुपुञ् जोमअन्ततः ", मेन्ते उडु के ते मिआ लुपु.ए कपःतडा । लुपुः अंजा दो क लोवाडोवा ओन्डोः क लोवाडाकने ते अंजा क उड़ो:वा। बुड़ा हो लुपुः गोपेयाकडे ते सिलपिं कोचारे ए हेपड उकुवाकना । इमितागे बुड़ि एरा बेटालेना। चिया बुडा ओकोन पारेमा मेन्तेःए इयुःबा केडा। बुड़ा हो कःए हाँ केडा। ओवा कोरेःए नेल्लबा' कि:इया । बुड़ा हो बंगइया। ओकोना नेन बुड़ा दो:ए सेनो यना । अञ् दो निमिन रेंगे:ञ् तना। मि आ' लेका लुपु:रेओञ जोम्अन्ततः ", एन्लेका उड़ु: के ते बुड़ि एराओ मि आ लुपुःए कपः केडा। अंजा क उडो: तन्ते बुड़ा हो बेटाञा मेन्ते एन सिलपिं कोचा पातेगेःए सेनोःयना ओकोन कोचारे बुड़ा हो उकुवाकना । अयरेतेगे हेपड़ उकुवाकना बुड़ा हो लो किङ नपामेयना । नेपेल तनाकिङ मेन्दो बरो जकेड् लुपुः किङ कोपेयाकड् तेदो कजि क ओल्लतना । लन्दा दो ककिङ कुटु दइयातना । मिडो लन्दा के रेगे बरो जकेकिङ लन्दा केडा मेन्दो बरो जकेड:अ लुपुः क लोवड चबाकन्ते लन्दाकेड़ रेदोकिङ आरेयःअ लुपुः दोकिङ पुर्र ओल्लचबाकेडा। लन्दा-लन्दाते बरो जकेड् हःइ लुपुःकोपेकिङ जाना दो कलङ कपाजियाकिङ मेपेनेयना। एन चनब लुपुः दःअरे लोवड्के ते मिडतःअरे दुबकने ते लन्दा जगर तन्लोकिङ जोमकेडा ।