हेस्सा सुरनिया : हक अधिकार लगिड् अनिश्चितकालीन धरना होबाना

 

पश्चिमी सिंहभूम (सोनू हेस्सा) : पश्चिमी सिंहभूम रेयः टोंटो प्रखंड रे मेन: हेस्सा सुरनिया हतु रे दिलङ 06 अप्रैल मुसिङ पंचायत समिति सदस्य नीमडीह जयराम हेस्सा तिकिञः गुसिया रे दुनुब होबा लेना। हेस्सा सुरनिया  रे  मेन: एकलव्य विद्यालय रे हतु रेन होन को लगिड् जगा रकाओ चा (आरक्षण) मेनते दुनुब होबा लेना।  दुनुब रे जगारेयाना चि नेन दुनह टोंटोएते मोयो चि मोएया गे (5) होन को पास तडा, एनदो एकलव्य विद्यालय लगिड् ओते एम केड् तेयः चिकन लाभ। दुनुब रे सबिन तेको कजि केडा चि बोलोक मुतिड् एकलव्य विद्यालय चिकन लगिड्। एटःए तेन होन को लगिड् चि मेनतेको कजि केडा । होन कोवः हक अधिकार लगिड् अनिश्चितकालीन धरना रे दुबेन तेय: जनागर को होबा यना। सोरकर कजि कएः मनातिञः एनदो अबु अबुह लड़ाई रे कबु उसाना मेन तेको कजि केडा। नेन दुनुब रे टोंटो प्रखंड रेयः पुरनापानी, सुन्डी सुरनिया, केंजरा, सालीकुटी, कुचिया, चालगी ओन्डो: हेस्सा सुरनिया हतुए ते कोवा कुई तेको हुजुःउ लेना

हतु रेय: दुनुब चनब रेय: पटिक