HO GK KAHANI

कारेम नमेया दिसुम,  नबु जोनोम दिसुम लेका कारेम नमेया। बुरु कोते गाड़ा कोते,  बाकाइया कन बियुर सेकोर कारेम नमेया। सिंगीम नेली रिमिल पायं,  निपलि चन्डुः जिलब जोलोब कारेम नमेया। बाड़ा कना डाली मुतिड्,  जेंगा पुन्डी लील गुलाब कारेम नमेया। पेरे आकना जिनिस कोते,  सोना हीरा बिचा ताम्बा कारेम नमेया। दिसुम नोड़ो को नासुल तना,  'टाटा' लेकन कारखाना कारेम नमेया। 'पुरती' सारीम काजी तना,  ने लेकान सुन्दोर दिसुम कारेम नमेया।  - दुर्गा पुरती hogkkahan/karem nameya disum

  पश्चिमी सिंहभूम ( सोनू हेस्सा ) : पश्चिमी सिंहभूम रेयः टोंटो प्रखंड रे मेन: हेस्सा सुरनिया हतु रे दिलङ 06 अप्रैल मुसिङ पंचायत समिति सदस्य नीमडीह जयराम हेस्सा तिकिञः गुसिया रे दुनुब होबा लेना। हेस्सा सुरनिया  रे  मेन: एकलव्य विद्यालय रे हतु रेन होन को लगिड् जगा रकाओ चा (आरक्षण) मेनते दुनुब होबा लेना।  दुनुब रे जगारेयाना चि नेन दुनह टोंटोएते मोयो चि मोएया गे (5) होन को पास तडा, एनदो एकलव्य विद्यालय लगिड् ओते एम केड् तेयः चिकन लाभ। दुनुब रे सबिन तेको कजि केडा चि बोलोक मुतिड् एकलव्य विद्यालय चिकन लगिड्। एटःए तेन होन को लगिड् चि मेनतेको कजि केडा । होन कोवः हक अधिकार लगिड् अनिश्चितकालीन धरना रे दुबेन तेय: जनागर को होबा यना। सोरकर कजि कएः मनातिञः एनदो अबु अबुह लड़ाई रे कबु उसाना मेन तेको कजि केडा। नेन दुनुब रे टोंटो प्रखंड रेयः पुरनापानी , सुन्डी सुरनिया , केंजरा , सालीकुटी , कुचिया , चालगी ओन्डो: हेस्सा सुरनिया हतुए ते कोवा कुई तेको हुजुःउ लेना हतु रेय: दुनुब चनब रेय: पटिक 

              आदिवासी हो समाज युवा महासभा पायते एलादाहरा यना: जयपाल सिरका    चाईबासा : अंतरास्ट्रीय फुटबॉलर जयपाल सिरका चाईबासा हुजु:यन रे आदिवासी हो समाज युवा महासभा ओन्डो: इनुङ् कोरे जांगी मिसा कन को चाईबासा तम्बो चौक रे रांसा रासिका तेको दारोम कि:या। जयपाल सिरका जोका दिन अयर गे थाईलैंड रेयः पटाया रे 20 मार्च यते 30 मार्च जोका होबा लेन एएफसी सॉकर एशियन कप 2025 रे हिताडे इडी लेडा। नेन बदाबादि रे 11 दिसुम रेन खिलाड़ी हितड् को इड लेडा ओन्डो: ब्हरोत रेन टीम 18 सिरमा चनब नेन एशियन कप फुटबॉल टूनार्मेंट रे हितड इडी तेय: मौका को नम लेडा मेंदो नॉकआउट रे कको हुजु दइ यना। एन रेयो गे कोल्हान रेयः नेन ओतेए ते आदिवासी हो हुदा रेन खिलाड़ी जयपाल सिरका तिकीन अंतरास्ट्रीय स्तर रे अपन: ओन्डो: समाज रेयः उनुरूम किङ् उदुब सोदोर केडा ओन्डो: नुतुम किङ् रिका केडा। नेन रांसा गे कोल्हान टयड रे तइयना। जयपाल सिरका एलादारोमि लागिड ते चाईबासा पोस्ट ऑफिस त:अ रे आदिवासी हो समाज युवा महासभा ओन्डो: एसु पूरे हो को सपड़ाओ ...

कोरङ् ककला हो न्यूज़पेपर एकमात्र हो हुदा रेया: न्यूज़पेपर तना। नेन न्यूज़पेपर रेया माध्यम ते हो हुदा रेय: चाल चोलोन को मिडो आरसि लेका तेबु नेल नमेया। अबेन अबेन: कोबोर को जुदी नेन कोरङ् ककला रे एमे सनंग मेन: एन रेदो korangkakla@gmail.com रे ओल कुलेयाबु। नेन कोबोर सकम मि हाटो रे मिसा रूइहर मुसिंग गे ओल्ला। कोबोर कोलो:ते हो शायरी, हो चुटकुला,एमन: को मेन:। सनागोम रेय: देंगा रे अबेना: जोका लेकन देंगा एसु गे मारङोअ। पूरे: ते पूरे: शेयरे चाबु। नेन रे ऑनलाइन पढ़ाओ दइयो:आ ⤵️⤵️⤵️⤵️ फ्लिपबूक नेन रेबु पढ़ाओया शेयरेयाबु,पुरे: ते पुरे:

कोरङ् ककला हो हुदा रेय:कोबोर सकम सबिन बु नेलेया ओन्डो: पड़ावयबु। नेन कोरङ् ककला रे हो हुदा रेय: कोबोर को, लेख को, हो शायरी को, आरग:ए जगर को ओन्डो: एसु बुगिन बुगिन कथा कहानी को ओला कना, आसरा मेन: अपेमन को रांसाओआ ओन्डो: हटिङ् हपाटिङा। हो हुदा रेय: सनागोम बिरिड बेरेड नं कोबोर सकम को रेय: एसु गे देंगा तइना। मेनेयाको सनागोम गे हुदा रेय::आरसि दो, सनागोम तेगे हुदा बुगिन होरा ते सेसेना।  पढ़ाओयबु⤵️⤵️⤵️   पीडीएफ नेनत:ए ते डाऊनलोड दइयोअ   eBook/फ्लिप्बूक नेन रेबु नेलेया