HO GK KAHANI

ए सु अयरेयःअ कजि बरो हड़म कुल्गियाकिङ टइकेना। होन - गणा को बकोते एस्करगेयाकिङ । एसुकिङ रेंगेःतना मेन्दो जालेकात्रेयोकिङ अपासुलतना। रेंगे: असड़ा रेय:अ कजि बबाकोदो मता एटेःयोतना । बबा मतातन कुन्डिएते पसहकिङ कोटा लेडा । अताके तेकिङ रूं चौलि केडा ओन्डो:किङ लुपु. केडा ना दो सेकायना, ओडालेनेतेलङ जोमेयाकिङ मेपेनेयना । मिडोलङ ओड़न रेदो मिडो ओवलङ होरोअन्तः । चनब मिसातेलङ जोमेयाकिङ मेपेनेयना। बुड़ि दो ओवः रचारेयः अ पइटिको औरिए चबाए तेदो बुड़ा होगे ओड़ा अयरन्तेः ए सेनोः यना। बुड़ा हो अंजागे ओड़ाकेने तेः ए हुजुः उरालेना। बुडि एरा मिसा ओड़न्ते सेनो यना एराकोव अ ओड़ा मेनाकना-रिडेनतन-नोवनन्ते, शिंगी जकेड तिकिनेयना । नेपा बुड़ा हो दो रेंगे:इतना। नेनेगुतः ए नेल्लहुजुः केना । एन्रेओ बुड़िएरा दो कःए हुजुःबोदेतना। "नैन बुड़ि एरा निमिनोगे कःए हुजुःतना, रेंगे: ते निमिन रेंगे: तना मि आ' लेकारेओ लुपुञ् जोमअन्ततः ", मेन्ते उडु के ते मिआ लुपु.ए कपःतडा । लुपुः अंजा दो क लोवाडोवा ओन्डोः क लोवाडाकने ते अंजा क उड़ो:वा। बुड़ा हो लुपुः गोपेयाकडे ते सिलपिं कोचारे ए हेपड उकुवाकना । इमितागे बुड़ि एरा बेटालेना। ...

मु नु का ड़रेयःअ कजि। मियड् गुंडि उरिइ ओन्डोः मियड् एंगा🦁 कुला मिय‍ड् बिर रेकिङ टइकेना।   अकिङ एसु जुड़ी ओन्डो: जेताओ ककिङ बपागे टइकेना। एन दिपिलं कुलाको जिलु कको जो'म टइकेना, उरि:इ-मेरोमको लेका दुम्बु-तसड़ को अतिकेन टइकेना। एना मेन्ते एंगा कुला क रेन:ए हियातिकेना चि अयःअ जुम्पा जुड़ी उरिइ एटः कुला एमन जा को चिकइतेया।  एंगा कुला बरिया हो' होनकिङेए होनन् टइकेना। एन् होनकिङ एसु मो:ए-मोए ओन्डोः पकोड़ोगेकिङ हरा मरङो:तन टइकेना। मुसिं तरा सिंगी गुंडी उरि:इ अन्डो एंगा कुला गड़ा दःअ नू तेकिङ सेनलेना । गुडि उरिइ गड़ा चेतन पारे ओन्डोः एंगा कुला लतर पारे दःअकिङ नूतन टइकेना। गुंडी उरिइ दःअ नू नूतेःए इई केडा ओन्डोः इई गुरिइ दःअरे लोवामेयन्ते एंगा कुला नूतन पा ते अतु आंदूयना। एंगा कुला गुरिइ लोवम् दःअःए नूकेडा ओन्डो: एसु नोगोड़ सिबिल कि:इया । एन्तेःए उडुतना चि अयःअ इई गुरिइ लोवम् दःअ निमिन सिबिल तेदो अय:अ होमोह् जिलु चिमिन तोरं नोगोडा। एन उडुः कुलाःअ मोलोंरे सरूबेयना ओन्डोः गुडी उरि:इ जोमिइ लगिङेःए उडुदिटाकेडा ।  द:अ नूके ते रूहाउरातनरे एंगा कुला चनब होरा गुंडि उरिइ दोयारे ए आंइल चोप...